Post by Krithik on Dec 27, 2012 22:27:40 GMT -5
'கும்கி', 'நீதானே என் பொன்வசந்தம்' ஆகிய இரண்டு படங்களும் டிசம்பர் 14ம் தேதி வெளிவந்தன. ஆனால் மக்களிடையே 'கும்கி' திரைப்படம் வரவேற்பை பெற்று இருக்கிறது.
முதல் 300 திரையரங்கில் வெளியிடப்பட்ட 'கும்கி' தற்போது 400 திரையரங்குகளாக அதிகரித்து இருக்கிறது. திரையரங்கம் அதிகரிப்பால் பெரும் சந்தோஷத்தில் இருக்கிறது படத்தை வெளியிட்ட ஸ்டூடியோ க்ரீன் நிறுவனம்,
'கும்கி' படக்குழு தங்களது வெற்றியை கொண்டாடிய போது படத்தினை தயாரித்த லிங்குசாமி, படக்குழுவினர் அனைவருக்கும் தங்கச் சங்கிலி ஒன்றை பரிசளித்து இருக்கிறார்.
வெற்றிவிழாவில் சிவாஜி குடும்பத்தினர் பங்கேற்று இருக்கிறார்கள். 'கும்கி' நாயகன் விக்ரம்பிரபு படம் வெற்றி பெற்றுவிட்டதால் ஓய்வு எடுக்க ஹாங்காங் சென்று இருக்கிறார்.
மீண்டும் லிங்குசாமி தயாரிப்பில் விக்ரம்பிரபு 'இவன் வேறமாதிரி' என்ற படத்தில் நடித்து வருகிறார். படத்தினை 'எங்கேயும் எப்போதும்' இயக்குனர் சரவணன் இயக்கி வருகிறார்.
'கும்கி' படத்தின் இந்தி ரீமேக்கிற்கு தற்போது பெரும் போட்டி நிலவி வருகிறது. ஆனால் இந்தி உரிமையை யாருக்கும் கொடுக்காமல் லிங்குசாமியே இந்தியிலும் தயாரிக்க திட்டமிட்டு இருக்கிறார். கும்கியின் கதை மற்றும் அதை படமாக்கிய விதம் தான் லிங்குசாமிக்கு அவ்வளவு பெரிய நம்பிக்கையைக் கொடுத்திருக்கிறதாம்.
By,
Krithik